पोखरा महानगरपालिकामा आज सार्वजनिक बिदा

काठमाडौँ - पोखरा महानगरपालिकाले आज सार्वजनिक बिदा दिएको छ । पोखरा अन्तर्राष्ट्रय विमानस्थलको उद्घाटन  समारोहमा व्यापक जनसहभागिता होस् भन्न‍ महानगरले आज सार्वजनिक बिदा दिएको हो । 

आज पोखरा महानगरअन्तर्गतका महाशाखा, वडा कार्यालय, विद्यालय र संघसंस्था बन्द रहने छन् । 

---

आजदेखि सञ्चालनमा आउने पोखरा अन्तर्राष्ट्रिय विमानस्थलको औपचारिक उद्घाटन प्रधानमन्त्री पुष्पकमल दहाल ‘प्रचण्ड’ले गर्दै छन् । 

प्रधानमन्त्री बिहान ११.०० बजे पोखरा आइपुग्ने कार्यक्रम रहेको नेपाल नागरिक उड्डयन प्राधिकरण पोखराका प्रमुख विक्रम गौतमले जानकारी दिए । उनका अनुसार प्रधानमन्त्रीसँगै उपप्रधान तथा अर्थमन्त्री विष्णु पौडेल पनि आउने कार्यक्रम छ । प्रमुख गौतमका अनुसार प्रधानमन्त्री प्रचण्डले ताम्रपत्र अनावरण गर्दै विमानस्थलको शुभारम्भ गर्नेछन् ।