कास्की जिल्ला अदालतका ११ जनामा कोभिड पुष्टि

पोखरा : कास्की जिल्ला अदालतका ११ जना कर्मचारीमा कोभिड संक्रमण पुष्टि भएको छ । एक जना न्यायाधीशसहित ११ जनाको कोभिड १९ रिपोर्ट पोजेटिभ आएको अदालतका सूचना अधिकारी नीलप्रसाद पनेरुले जानकारी दिए । क्यान्टिनका एक जना गरी कुल १२ जना संक्रमित छन् ।
 
कास्की जिल्ला अदालतका ८१ जनाको स्वाब २३ वैशाखमा लिइएको थियो । केही कर्मचारीको स्वास्थ्य अवस्था बिग्रिएपछि स्वाब जँचाइएको थियो । 
अदालतको कामकारबाही भने १६ गतेबाट आंशिक रुपमा मात्रै चलेको छ । 

१५ वैशाखबाट लागू निषेधाज्ञामा अदालत ‘आशिंक’ रुपमा सञ्चालन गरिएको छ । जिल्ला प्रशासन कार्यालयको निर्देशन अनुसार आशिंक रुपमा अदालत सञ्चालन गरिएको हो ।

---

अदालतले बन्दी प्रत्यक्षीकरण निवेदनको सुनुवाई, बाल सुधार गृहका बालबालिका जिम्मा लिने निवेदनमाथिको कारबाही, पक्राउ पुर्जी अनुमति, म्याद थप, अभियोगपत्र दर्ता, बयान र थुनछेक बहस गरिरहेकोे छ । म्याद थपको काम भने अदालते भिडियो कन्फ्रेन्समार्फत गर्दै आएको छ ।