एमसीसीबारे सत्तारूढ पाँच दलको साझा धारणा बन्छ : श्रममन्त्री श्रेष्ठ

तनुहुँ-  श्रम, रोजगार तथा सामाजिक सुरक्षामन्त्री कृष्णकुमार श्रेष्ठले अमेरिकी सहायता परियोजना मिलेनियम च्यालेन्ज कर्पोरेशन (एमसीसी)मा सत्तारूढ पाँच दलको साझा धारणा सार्वजनिक गर्ने बताएका छन् । सोमबार गृहजिल्ला तनहुँको दमौलीमा सञ्चारकर्मीसँग भएको अन्तरक्रियाका क्रममा मन्त्री श्रेष्ठले सत्तारुढ गठबन्धनमा एमसीसीबारे साझा धारणा बनाउन कार्यदल गठन गरेको बताएका हुन् ।

सो क्रममा उनले एमसीसीका अन्तरवस्तुबारेमा पार्टीभित्र छलफल भइरहेको पनि उनले बताए । मन्त्री श्रेष्ठले श्रम क्षेत्रमा वैदेशिक रोजगारीलाई व्यवस्थित बनाउन, नीतिगत सुधार गर्न, श्रम कूटनीतिलाई प्रभावकारी बनाउन आफू केन्द्रित रहेको बताए ।

---

‘वैदेशिक रोजगारीका नाममा हुने ठगी र छलीका घटना अन्त्य गर्न कार्यदल बनाइएको छ । वैदेशिक रोजगार नीति तथा कार्ययोजना पुनरावलोकन गर्न लागिएको छ,’ मन्त्री श्रेष्ठले भने ।