तनहुँमा ३५ हजार बालबालिकालाई मोडना खोप लगाइँदै

तनहुँ- तनहुँ जिल्ला स्वास्थ्य कार्यालयको सहकार्यमा तनहुँका ३५ हजार बालबालिकालाई विद्यालयमै मोडना खोप लगाइने भएको छ । स्वास्थ्य कार्यालय तनहुँको सहकार्यमा स्थानीय तहले विद्यालयमा अध्ययनरत १२ देखि १७ वर्ष उमेर समूहका बालबालिकालाई खोप लगाउन लागिएको हो ।

स्वास्थ्य कार्यालय तनहुँका खोप अधिकृत शंकरबाबु अधिकारीका अनुसार खोप अभियान सञ्चालनका लागि सबै स्थानीय तहका स्वास्थ्यकर्मीलाई अभिमुखीकरण तालिम प्रदान गरिएको छ ।

---

‘मोडर्ना खोप अभियान सञ्चालनका लागि स्वास्थ्यकर्मीलाई अभिमुखीकरणसँगै खोप पनि दिएर पठाएका छौँ,’ उनले भने,  ‘स्थानीय तहले यसको व्यवस्थापन मिलाउनेछन् ।’