पोखरामा जीप दुर्घटना हुँदा २ जनाको मृत्यु

कास्की : पोखरा-बाग्लङ राजमार्गमा जीप दुर्घटना हुँदा दुई जनाको मृत्यु भएको छ । सात जना घाइते भएका छन् । दुर्घटनामा पोखरा महानगरपालिका-१० बस्ने ५० वर्षीय प्रकाश पुन र ५२ वर्षीय चित्र पुनको उपचारका क्रममा मृत्यु भएको हो ।

जिल्ला प्रहरी कार्यालय कास्कीका निमित्त प्रवक्ता एवं प्रहरी निरीक्षक दीपक केसीका अनुसार शनिबार राती भएको दुर्घटनामा दुवै जनाको उपचारका क्रममा मृत्यु भएको हो । जीपमा नौ जना सवार थिए ।

---

सबै घाइतेको पोखराकै सहारा अस्पतालमा उपचार भइरहेको छ । पोखरा-२५ हेमजाबाट पोखराबजारतर्फ आउँदै गरेको बा २ च ७४१० नम्बरको जीप राजमार्गको याम्दीमा अनियन्त्रित भएर दुर्घटना भएको बताइएको छ । (रासस)