नेकपा समाजवादीसँग तालमेल नगर्ने कास्की कांग्रेसको निर्णय

काठमाडौँ - नेपाली कांग्रेस कास्कीले नेकपा समाजवादीसँग कास्कीका सन्दर्भमा तालमेल गरेर जान नसकिने बताएको छ । 

जिल्ला कार्यसमिति कास्कीले आज जारी गरेको प्रेस विज्ञप्तिमा नेकपा समाजवादीले अस्वाभाविक माग राखेको भन्दै कास्की कांग्रेसले समाजवादीसँग तालमेल नगर्ने निर्णय गरेको हो । 

---

सभापति शेरबहादुर देउवाको निर्देशनमा पटक पटक बसेको जिल्लामा रहेको गठबन्धन दलहरुका शीर्ष नेताहरुको छलफलमा समाजवादीले अस्वाभाविक माग राखेको कांग्रेस कास्कीले जनाएको छ । 

पार्टीका तल्ला तहको राय सल्लाह सुझाव बमोजिम कांग्रेसले गठबन्धनका अन्य दलसँग तालमेलका लागि वार्ता र छलफल अगाडि बढाउने उल्लेख गरेको छ । कास्की काग्रेसले पोखरा महानगरका विषयमा सञ्चारमाध्यममा आएका समाचारको पछि नलाग्न पनि अनुरोध गरेको छ । 

शीर्ष नेताहरुको छलफलमा पोखरा महानगरपालिका समाजवादीलाई दिने सहमति नजिक भएका समाचारहरू आएका थिए ।