ट्याङकरको ठक्करबाट पैदलयात्रीको मृत्यु

कपलिवस्तु- कपिलवस्तुको कृष्णनगर नगरपालिका-७ जौबारीमा सोमबार बेलुका ट्याङकरको ठक्करबाट पैदलयात्रीको मृत्यु भएको छ । 

मृत्यु हुनेमा स्थानीय ५५ वर्षीय महोमद हनिक रहेका छन् । ठक्करबाट गम्भीर घाइते भएका उनको उपचारका क्रममा बहादुरगञ्जस्थित शिवराज अस्पतालमा मृत्यु भएको प्रहरीले जनाएको छ । 

---

पैदल हिँडिरहेका उनलाई हिजो बेलुकी ७ बजे ना २ क ८१८ नम्बरको पानी ट्याङकरले ठक्कर दिएको थियो । 

ट्याङकरसहित चालकलाई ईलाका प्रहरी कार्यालय बहादुरगञ्जले नियन्त्रणमा लिएको छ ।