ट्रकको ठक्करबाट मोटरसाइकलमा सवार तीन जनाको मृत्यु

दाङ : ट्रकले ठक्कर दिँदा मोटरसाइकलमा सवार तीन जनाको मृत्यु भएको छ । मंगलबार राती राप्ती गाउँपालिका-४ मौरीघाटमा पश्चिमबाट पूर्वतर्फ जाँदै गरेको ना ६ ख ३३४४ नम्बरको ट्रकले विपरीत दिशाबाट आइरहेको रा ५ प ६७३३ नम्बरको मोटरसाइकललाई ठक्कर दिँदा तीन जनाको मृत्यु भएको हो ।

प्रहरीका अनुसार मृत्यु हुनेमा राप्ती गाउँपालिका-५ का १६ वर्षीय मनोज गाहामगर, राप्ती-२ लालमझियाका १८ वर्षीय कसम पुनमगर र राप्ती-८ पिपरीका १८ वर्षीय दिनेश घर्तीमगर रहेका छन् ।

---

जिल्ला प्रहरी कार्यालयका प्रवक्ता डीएसपी सुमित खड्काका अनुसार ट्रक अनियन्त्रित भएर खोल्सामा पल्टिएको छ ।