बाँकेमा लकडाउन: बजार सुनसान, अत्यावश्यक बाहेकका सबै सेवा बन्द

बाँके : बाँकेमा कोभिड-१९ संक्रमणले भयावह रूप लिँदै गएपछि नेपालगञ्ज उपमहानगरपालिका क्षेत्रमा बिहीबारबाट लागु हुनेगरी एक साताका लागि लकडाउन गरिएको छ । जिल्ला कोभिड १९ संकट व्यवस्थापन केन्द्रको बैठकले तीब्र गतिमा फैलिरहेको संकेरमणको चेन तोड्नका लागि लकडाउन गर्ने निर्णय गरेको थियो । 

लकडाउनका कारण बजार सुनसान बनेको छ । सडकमा मानिसहरूको उपस्थिति छैन । अत्यावश्यक सेवा बाहेक अरु सबै बन्द गरिएको छ । स्वास्थ्य, शान्ति सुरक्षा, विद्युत, दुरसंचार, खानेपानी, फोहरमैला व्यवस्थापन, ग्यास, पेट्रोलियम पदार्थ, तरकारी, खाद्य तथा दुग्द पदार्थ, औषधी पसल, बैंकको एटिएमलगायतका अत्यावश्यक सेवाहरू एवं सार्वजसनिक निर्माण कार्य, पूर्वनिर्धारित परीक्षाहरू र हवाइ सेवा भने निर्वाध संचालनमा छन् । 

---

यस्तै एम्बुलेन्स, शववाहक, दमकल, झण्डावाल सवारी र कुटनीतिक नियोग, लामो दुरीका सवारी साधन, मालकबाहक साधन, निर्माण सामग्री ढुवानीका साधानहरू, अत्यावश्यक सेवा संचालनमा खटिएका जनशक्तिले प्रयोग गरेका सवारीसाधन, अनुमति लिएका सवारी साधन पनि चलेका छन् । जिल्ला कोभिड–१९ संकट व्यवस्थापन केन्द्र बाँकेका अनुसार गत वर्षदेखि हालसम्मकै दर हेर्दा बाँकेमा भेटिएका कोरोना संक्रमितको आँकडा अहिले सबैभन्दा उच्च हो ।