एमाले लुम्बिनी संसदीय दलको नेतामा लीला गिरी

बुटवल- नेकपा एमाले लुम्बिनी संसदीय दलको बैठकले दलको नेतामा पोलिटब्युरो सदस्य तथा प्रदेश सहइन्चार्ज लीला गिरीलाई सर्वसम्मत चयन गरेको छ । चेतनारायण आचार्यलाई उपनेता चयन गरिएको छ ।

आइतबार सांसदहरूको शपथ ग्रहणपछि देउखुरीमा बसेको बैठकले दुवै जनालाई सर्वसम्मत चयन गरिएको सांसद भूमिश्वर ढकालले बताए । गिरी रूपन्देही २ को १ बाट र आचार्य अर्घाखाँची १ को २ बाट निर्वाचित भएका हुन् ।

---

यसअघि दुवै जना दलको नेतामा आकांक्षी भए पनि नेतृत्वले सहमतिमा टुंगाएको हो । उनीहरू दुवै जना पूर्वमन्त्री हुन् । आकांक्षी मध्येका भोज प्रसाद श्रेष्ठले दावी गरेपनि नेतृत्वले सहमत गरेपछि उनी पछि हटेका छन् ।