पाल्पाको खुर्सानेमा बस दुर्घटना : ६ जनाको मृत्यु, १५ घाइते

काठमाडौँ- पाल्पाको रैनादेवी छहरा गाउँपालिका-८ खुर्सानेमा दुर्घटना हुँदा ६ जनाको मृत्यु भएको छ । रुपन्देहीको सालझण्डीबाट यात्रु लिएर खुसार्ने जाँदै गरेको ग १ ख ४९७७ नम्बरको बस गएराति राधादी गैरामा दुर्घटना हुँदा ६ जनाको मृत्यु भएको हो ।

दुर्घटनामा खुसार्ने गाउँका खेमकुमारी राना, निर्मला घिमिरे, सुरुमा घिमिरे, कमला खत्री, दानकुमारी खत्री र गुनी गाहाको मृत्यु वडाध्यक्ष रेमबहादुर रानाले बताए । रानाका अनुसार तीन जनाको शव निकालिएको छ भने तीन जनाको शव बसमा च्यापिएको अवस्थामा छ ।

---

त्यस्तै १५ जना घाइतेको उद्धार गरी लुम्बिनी प्रादेशिक अस्पताल बुटवल पठाइएको छ ।