बुटवलमा कोभिड संक्रमितको मृत्यु

बुटवल : बुटवलस्थित कोभिड-१९ बिशेष अस्पतालमा उपचाररत बुटवल-७ का एक जना कोभिड संक्रमितको मृत्यु भएको छ । बुटवल उपमहानगरपालिका-७ का ४० वर्षीय पुरुषको आज बुधबार बिहान मृत्यु भएको हो । कार्तिक २६ गते स्वास्थ्यमा समस्या आएपछि लुम्बिनी प्रदेशिक अस्पताल पुगेका उनमा सोही दिन कोरोना संक्रमण पुष्टि भएको थियो ।

संक्रमण पुष्टि भएकै दिनबाट कोरोना बिशेष अस्पतालमा भर्ना भई उपचाररत उनको मृत्यु भएको लुम्बिनी प्रादेशिक अस्पतालका प्रवक्ता डा. विष्णु गौतमले जानकारी दिए । मृतकमा कोभिडको गम्भीर संक्रमणसहित अत्याधिक मोटोपनाको समस्या पनि रहेको अस्पतालले जनाएको छ । उनको मृत्यु भएसँगै रुपन्देहीमा कोभिड संक्रमणबाट मृत्यु हुनेको संख्या ८९ पुगेको छ ।

---