कपिलवस्तु गोलीकाण्ड : गोली प्रहार गर्ने २ जना पक्राउ

बुटवल : गत ५ गते राति कपिलवस्तुमा नेकपा (माओवादी केन्द्र)का जिल्ला नेता दीपक पाण्डे र भारतीय नागरिक इयाज अख्तर मुसलमानमाथि गोली प्रहार गर्ने २ जनालाई कपिलवस्तु प्रहरीले पक्राउ गरेको छ । प्रकाउ पर्नेमा कपिलवस्तु नगरपालिका-१ तौलिहवाका ३९ वर्षे ओम प्रकाश यादव र वडा-२ सागरटोल बस्ने वर्ष ३३ का साकिर अलि पाखिया रहेको जिल्ला प्रहरी कार्यलय कपिलवस्तुले जनाएको हो ।

पक्राउ परेकाहरूले नेता पाण्डेसँगको व्यक्तिगत रिसिवीका कारण गोली प्रहार गरेको बयान दिएको प्रहरीले जनाएको छ । प्रहरीका अनुसार उनीहरूले ५ गते राति लु १६ प ३४९७ को मोटर साइकल आफै चलाई घटना स्थलमा पुगेर ३ राउण्ड गोली हानेको प्रहरीसमक्ष स्वीकार गरेका छन् । हाल घाइते दुवैको युनिभर्सल मेडिकल कलेज भैरहवामा उपचार भइरहेको जिल्ला प्रहरी कार्यालय कपिलवस्तुका नयाव उपरिक्षक धर्मराज भण्डारीले बताए ।

---