गुल्मीमा जिप दुर्घटना, घटनास्थलमै पाँचको मृत्यु

बुटवल : गुल्मीको इस्मा गाउँपालिकामा जिप दुर्घटना हुँदा पाँच जनाको मृत्यु भएको छ । शुक्रबार बिहान इस्मा-४ हुलबाट सदरमुकाम तम्घास आउँदै गरेको लु १ ज ११६६ नम्बरको जिप दुर्घटना हुँदा घटनास्थलमै पाँच जनाको मृत्यु भएको हो ।

त्यस्तै एक जना बेपत्ता र अर्का एक जना घाइते भएका छन् । मृत्यु हुने तीन पुरुष र दुई महिला रहेको गुल्मीका प्रमुख जिल्ला अधिकारी भरत कुमार शर्माले इकागजलाई जानकारी दिए । मृतकको सनाखत हुन नसकेको उनले बताए ।

---