मोटरसाइकल दुर्घटना : दुईको मृत्यु

बुटवल- बाँकेमा सडक दुर्घटना हुँदा दुई जनाको ज्यान गएको छ । सोमबार बिहान राप्तीसोनारी गाउँपालिका-१ मा मालबहाक ट्रकले मोटरसाइकललाई ठक्कर दिँदा मोटरसाइकलमा सवार दुई जनाको मृत्यु भएको हो ।

पश्चिमदेखि पुर्वतर्फ जाँदै गरेको ना ६ ख ६७९९ नम्बरको ट्रकले लु६प १८२२ नम्बरको मोटरसाईकललाई ठक्कर दिएको ईलाका प्रहरी कार्यालय कोहलपुरले जनाएको छ । ठक्करबाट गम्भीर घाइते भएका बर्दियाका चेतन बोहोरा र प्रदिप चौधरीको उपचारका क्रममा मृत्यु भएको हो ।

---

प्रहरीका अनुसार दुर्घटनामा गम्भीर घाईते भएका दुबै जनालाई उपचारकालागि नेपालगन्ज मेडिकल कलेज कोहलपुर पुर्‍याएको थियो । उनीहरूको उपचारका क्रममा मृत्यु भएको हो । प्रहरीले ट्रकलाई नियन्त्रणमा लिएर अनुसन्धान प्रक्रिया अगाडी बढाएको जनाएको छ ।