बुटवल- नेपाली कांग्रेसको १४ औँ महाधिवेशन अन्तर्गत नेपालगञ्ज उपमहानगरमा चर्चामा रहेकी नेपालगञ्ज उपमहानगरपालिकाकी उप प्रमुख उमा थापालाई भारी मतले हराउँदै नगर सभापतिमा प्रशान्त विष्ट निर्वाचित भएका छन् ।

नगर समितिका लागि भएको निर्वाचनमा थापाले प्राप्त गरेको ७६ मतविरुद्ध विष्टले २४३ मत प्राप्त गरेको मतदान अधिकृत सुभास गौतमले जानकारी दिए ।

---

नेपालगञ्जमा देउवा र पौडेल पक्षबाट छुट्टाछुट्टै प्यानल सहित उम्मेदवारी परेकोमा देउवा पक्षको प्यानल नै विजयी भएको छ । उनका निकटतम प्रतिस्पर्धी संस्थापन इतर (कोइराला/पौडेल) पक्षकी उपमेयर थापामगरले ७६ र संस्थापन पक्षकै बिनोद रिजालले ४१ मत प्राप्त गरेका थिए ।

नेपालगञ्ज उपमहानगरमा रहेका ३ सय ८२ मत मध्ये ३ सय ७७ मत खसेको थियो । उक्त निर्वाचनमा संस्थापन पक्ष (देउवा पक्ष)ले विष्टको प्यानललाई आधिकारिक रुपमा अगाडी बढाएको थियो, भने संस्थापन पक्षकै रिजालले पनि आफ्नो प्यानल खडा गरेका थिए । संस्थापन इतर पक्षबाट थापाले आफ्नो प्यानल बनाएकी थिइन् ।