ढुङ्गाले लागेर मृत्यु

प्यूठान : बाटो सफा गर्ने क्रममा जेसिबीले पल्टाएको ढुङ्गाले लागेर बुधबार एक महिलाको मृत्यु भएको छ ।

मल्लरानी गाउँपालिका-३ मुनडाडाकी २२ वर्षीय माधवी सुनारको मृत्यु भएको जिल्ला प्रहरी कार्यालय प्यूठानका सूचना अधिकारी प्रहरी निरीक्षक प्रकाश खत्रीले जानकारी दिए । रा१क ७३३ नम्बरको जेसिबीले बाटो सफा गर्ने क्रममा ढुङ्गा पल्टेर सुनारलाई लागेको जनाइएको छ । रासस

---