महासंघको कर्णाली प्रदेश अध्यक्षमा देवीराम देवकोटा विजयी

सुर्खेत : नेपाल पत्रकार महासंघ कर्णाली प्रदेशको अध्यक्षमा देवीराम देवकोटा विजय भएका छन् । देवकोटाले चार ४२९ मत प्राप्तगरी विजय भएका हुन्  । उनका प्रतिद्वन्दी विष्णु शर्माले ३२१ मत प्राप्त गरेका छन् । देवकोटा कांग्रेस निकट प्रेस युनियन, माओवादी निकट प्रेस सेन्टर र माधव नेपाल समूहको गठबन्धनबाट उम्मेदवारी दिएका थिए भने शर्मा प्रेस चौतारीबाट उम्मेदवार बनेका थिए । 

त्यसैगरी उपाध्यक्षमा चक्र केसी, महिला उपाध्यक्षमा विमला खड्का, महासचिवमा खगेन्द्रप्रसाद भट्टराई विजयी भएका छन् । यस्तै सचिवमा दिपक बुढा, समावेशी सचिवमा अशोक राजी र कोषाध्यक्षमा गणेशकञ्चन भारती विजयी भएका छन् । 

---

महासंघको सदस्यहरुमा इवरीप्रसाद देवकोटा, कृष्णबहादुर वली,जीवन शाही, दिपककुमार जैशी,नन्दराम जैशी, सरोज वली,सुवर्ण शाही, सुरेन्द्रबहादुर सिंह विजयी भएका छन् ।  त्यसैगरी महिला सदस्यमा चिना बिक, सुरिता बस्नेत र देवकी लामिछाने विजयी भएका छन् ।