सुर्खेतको सिस्‍नेरीमा आगलागी हुँदा नौ घर जले

सुर्खेत : पश्चिम सुर्खेतको बराहताल गाउँपालिकाको सिस्नेरी बस्तीमा आगलागीबाट नौ घर जलेर नष्ट भएका छन् । बराहताल गाउँपालिका-९ मा रहेको सिस्नेरी बस्तीमा बिहीबार अपरान्ह चार बजेतिर आगलागी भएको हो । आठ घर पूर्ण रुपमा जलेर नष्ट भएका छन भने एउटा आशिंक रुपमा जलेको वडा अध्यक्ष युवराज कार्कीले जानकारी दिए । 

उनकाअनुसार हरियाली सामुदायिक वनमा लागेको आगो बस्तीमा सल्किएको हो । ‘बस्तीबाट नजिकै रहेको वनमा लागेको आगो बस्तीमा पुग्दा घर जलेका हुन्,’ वडाध्यक्ष कार्कीले भने, ‘आगो नियन्त्रण गर्न प्रहरी र स्थानीयबासी खटिएपछि नियन्त्रणमा आएको छ ।’ 

---

सिस्नेरी गाउँमा झण्डै १८ घरधुरी छन् । आगलागीबाट पीडितहरुलाई तत्कालको लागि खाद्यान्नहरु पनि वितरण गरिएको वडा अध्यक्ष कार्कीले जानकारी दिए ।