गुर्भाकोट नगरपालिकालाई अक्सिजन प्लान्ट

सुर्खेत । पूर्वी सुर्खेतको गुर्भाकोट नगरपालिकालाई अक्सिजन प्लान्ट प्रदान गरिएको छ । नगरपालिकाको वडा नम्बर ८ मा रहेको मेहेलकुना अस्पतालको लागि उक्त अक्सिजन प्लान्ट नगरपालिकालाई हस्तान्तरण गरिएको हो । 

युएनडिपीको आर्थिक सहयोगमा मेहेलकुना अस्पतालमा अक्सिजन प्लान्ट जडान गरिएको छ । युएनडिपीले अक्सिजन प्लान्टको जडान तथा परिक्षण गरि आज गुर्भाकोट नगरपालिकालाई हस्तान्तरण गरेको छ । मेहेलकुना अस्पतालमा अक्सिजन प्लान्टको जडान कार्यको साथै परीक्षण समेत गरिएको छ ।  

---

उक्त अक्सिजन प्लान्ट सञ्चालनमा आएपश्चात पूर्वी सुर्खेतसहित सल्यान, जाजरकोट, रुकुमलगायतका जिल्लाका बिरामी हरुले सहजै सेवा पाउने नगरपालिकाका उपप्रमुख मैना बिकले बताइन् । उनले पहिलो चरणको काम सम्पन्न भएकाले नगरपालिकालाई हस्तान्तरण गरिएको बताइन् । 

अक्सिजन प्लान्टको पुरै काम सम्पन्न भएपछि अस्पताललाई हस्तान्तरण गरिने उनको भनाई थियो । कार्यक्रममा उपप्रमुख मैना बिक, मेहेलकुना अस्पतालका निमित्त मेडिकल.सुपरिटेन्डेन डाक्टर बिनोद कुमार यादब, युएनडिपीका कर्मचारीहरु, तथा गुर्भाकोट नगरपालिका वडा अध्यक्षहरुको उपस्थित रहेको थियो । 
्