एमाले कर्णालीका इन्चार्ज कँडेल फेरि प्रदेश सभाबाटै चुनाव लड्ने

सुर्खेत- नेकपा एमालेका कर्णाली प्रदेश इन्जार्च यामलाल कँडेल प्रदेश सभा सदस्यको उम्मेदवारमा सिफारिस भएका छन् । कँडेल आगामी मंसिर ४ मा हुने निर्वाचनमा पुनः प्रदेश सभाबाटै चुनाव लड्ने भएका हुन् ।

आज बसेको नेकपा एमाले निर्वाचन क्षेत्र समन्वय कमिटीको बैठकले कँडेललाई सुर्खेत क्षेत्र नं. २ (क) बाट प्रदेश सभा सदस्य उम्मेदवारमा सिफारिस गरेको हो ।

---

कँडेल २०७४ को प्रदेश सभाको निर्वाचनमा पनि सोही क्षेत्रमा प्रदेश सांसदमा निर्वाचित भएका हुन् । कर्णाली प्रदेशको मुख्यमन्त्री बन्ने चाहानाअनुरुप प्रदेश सभा रोजेका कँडेल अन्ततः उक्त पद पाउन भने सकेनन् । कँडेलले यसपालि पनि फेरि प्रदेश सभाबाटै चुनाव लड्ने तयारी गरेका छन् ।