कर्णाली प्रदेशसभाको उपसभामुखमा न्यौपाने

सुर्खेत । कर्णाली प्रदेश सभाका उपसभामुखका यशोदा न्यौपाने निर्वाचित भएकी छिन् । बुधबार बसेको प्रदेशसभा बैठकले उपसभामुखमा न्यौपानेलाई बहुमतसहित निर्वाचित गरेको हो ।

माओवादी केन्द्रका समानुपातिक सांसद न्यौपानेले २४ मत प्राप्त गरिन् भने उनकी प्रतिस्पर्धी नेपाली कांग्रेसकी इन्द्राकुमारी शाहीले १४ मत ल्याइन् । न्यौपानेलाई सत्तारुढ गठबन्धन (नेकपा माओवादी केन्द्र, नेकपा एमाले र राप्रपा)ले मत दियो । समामुख गुरुङले मतदानमा सहभागी भइनन् । यसअघि आइतबार प्रदेशभाले नन्दा गुरुङलाई सभामुखमा निर्वाचित गरेको थियो । ४० सदस्यीय कर्णाली प्रदेश सभामा मतदानमा ३८ सांसदले भाग लिएका थिए ।

---