कर्णालीको मन्त्रिमण्डललाई समावेशी बनाउन महिला राज्यमन्त्री थपियो

सुर्खेत - कर्णाली प्रदेशमा मन्त्रिमण्डललाई समावेशी बनाउनका लागि राज्यमन्त्री नियुक्त गरिएको छ । नेकपा माओवादी केन्द्रले डोल्पाबाट निर्वाचित सांसद उर्मिला विश्वकर्मालाई राज्यमन्त्री बनाएको हो ।

 यसअघि आठ सदस्यीय मन्त्रीपरिषद्लाई घटाएर सात सदस्यीय मन्त्रीपरिषद् बनाएको कर्णालीमा समावेशी बनाउने भन्दै राज्यमन्त्री थपिएको छ । 

---

नवनियुक्त राज्यमन्त्री विश्वकर्मालाई भौतिक पूर्वाधार, ऊर्जा तथा जलस्रोत राज्यमन्त्रीको जिम्मेवारी दिइएको छ । 

७ सदस्यीय मन्त्रीपरिषद्मा सबै जना पुरुष मन्त्री बनेपछि माओवादीले महिलालाइ राज्यमन्त्री बनाएको हो । 

विश्वकर्माले आज नै पद तथा गोपनीयताको शपथ लिइसकेकी छन् । उनलाई मुख्यमन्त्री राजकुमार शर्माले पद तथा गोपनीयताको शपथ गराएका हुन् ।