कर्णाली प्रदेशसभाको बैठक स्थगित

सुर्खेत- कर्णाली प्रदेश सभाको साेमबार अपराह्न ३ बजेका लागि बाेलाइएकाे बैठक स्थगित भएको छ । यसअघि साेमबार बसेकाे सर्वदलीय बैठकमा नेकपा माओवादी केन्द्र र नेपाली कांग्रेसले प्रदेश सभाको बैठक सार्ने प्रस्ताव पेस गरेका थिए ।

आइतबार पनि कांग्रेस र माओवादी केन्द्रबीच सत्ता सहकार्यका बारेमा आधिकारिक निर्णय भएसँगै मन्त्री छान्ने तयारी गर्न कांग्रेस संसदीय दलका नेता जीवनबहादुर शाहीले मुख्यमन्त्री राजकुमार शर्मासँग सदन पर सार्नेबारे सहमति गरेका थिए ।

---

प्रदेश सभाको स्थगित बैठक अब ७ वैशाख बिहीबार अपराह्न ३ बजे बस्ने भएको छ । उक्त दिन मुख्यमन्त्री शर्माले तेस्रोपटक विश्वासको मत लिने सम्भावना छ ।