दैलेखमा सहकारीले किसानलाई दियो घाँस काट्ने मेशिन

दैलेख : दैलेखको पौरखी कृषि सहकारी संस्थाले १५ जना किसान सदस्यलाई घाँस काट्ने मेसिन प्रदान गरेको छ । भगवतीमाई गाउँपालिका वडा नं ६ चिपिनका कृषकलाई ५० प्रतिशत अनुदान सहयोगमा घाँस काट्ने मेशिन वितरण गरिएको हो । सोमबार कृषि बिकास कार्यलय दैलेखका प्रमुख तिलक पाण्डेले सहकारीका अध्यक्ष नरबहादुर थापालाई मेसिन हस्तान्तरण गरेका हुन् ।

साथै एउटा पावर टिलर, बारी जोत्ने मेसिन, स्केचर मेसिन लगाएत सामग्री वितरण गरिएको छ । सामान भने सम्बन्धि एग्रोभेट सुर्खेतबाट गुणस्तरीय सामान उपलब्ध भएको अध्यक्ष थापाले बताए ।

---

आगामी दिनमा सबै किसानलाई आधुनिक प्रविधिसँग जोडेर उत्पादन बृद्धि गर्ने उदेश्य रहेको सहकारीका उपाअध्यक्ष गणेश रोकायले बताए ।