दैलेखमा संक्रमण घट्यो, कोभिडमुक्त हुनेको संख्या बढ्दै

दैलेख : दैलेखमा कोभिड संक्रमितको संख्या घट्दै गएको छ । कुल संक्रमित मध्ये तीन हजार २ सय १० जना बिरामी निको भएका छन् । बुधवारसम्म ३ हजार ३ सय ३१ जनामा संक्रमण थियो । संक्रमितमध्ये ३ हजार २ सय १० जना निको भएको स्वास्थ्य सेवा कार्यालयका निमित्त स्वास्थ्य सेवा व्यवस्थापक थीरप्रसाद रेग्मीले बताए ।

पहिलो लहरमा एक हजार ४ सय ९८ जनामा संक्रमण पुष्टि भएको थियो । दोस्रो लहरमा सुरू भएपछि एक हजार ८ सय ३३ जनामा संक्रमण पुष्टि भएको हो । हाल जिल्लामा सक्रिय संक्रमितको संख्या ९४ जना रहेका छन । ती मध्ये ७ जना दैलेख अस्पतालको आइसोलेशन वार्डमा उपचाररत छन् । जिल्लामा कोरोना संक्रमणका कारण २७ जनाले ज्यान गुमाएका छन । पहिलो लहरमा ६ जनाले ज्यान गुमाएका थिए । भने दोस्रो लहरको कोरोनाबाट २१ जनाले ज्यान गुमाएका छन ।

---

संक्रमण घटेको देखिएपनि जोखिम कायर्म रहेकाले दैलेख प्रशासनले सतर्कता अपनाउन आग्रह गरेको छ ।