घोडामा ट्र्याक्टर ठोक्किएपछि रुकुम पश्‍चिममा दुई समूहबीच झडप, दुई जना घाइते

काठमाडौँ : रुकुम पश्चिमको आठबिसकोट नगरपालिका-३ मा दुई समूहबीच झडप हुँदा दुई जना घाइते भएका छन् । शुक्रबार साँझ भएको झडपमा परी दुई जना घाइते भएको जिल्ला प्रहरी कार्यालय रुकुम पश्चिमले जनाएको छ । जिल्ला प्रहरी कार्यालय रुकुम पश्चिमका प्रवक्‍ता प्रहरी निरीक्षक कपिल शाहीकाअनुसार सामान बोकेर ल्याइएको घोडालाई र ट्र्याक्टरले छोएपछि उत्‍पन्‍न विवादपछि झडप भएको हो ।

'पहिलेदेखिनै दुई समूहको विवाद रहेछ,' प्रवक्‍ता शाहीले  इकागजसँग भने, 'ट्याक्‍टरले घोडालाई छोएपछि उत्‍पन्‍न विवाद झडपमा परिणत भयो । ट्याक्‍टर पक्षका दुई जना घाइते भएको जानकारी आएको छ । थप विवरण प्राप्‍त भएको छैन ।' प्रहरी टोली घटनास्‍थल पुगिसकेको भए पनि सञ्‍चार सम्‍पर्क हुन नसक्‍दा घटनाबारे थप जानकारी नआएको उनले बताए । 

---