लागूऔषधसहित दुई पक्राउ, डेढ लाख बरामद

सुर्खेत- सुर्खेतमा लागूऔषधसहित दुई जना पक्राउ परेका छन् । वीरेन्द्रनगर-१३ स्थायी घर भई वडा नम्बर १० मा डेरामा बस्दै आएका दुई जनालाई विशेष सूचनाको आधारमा पक्राउ गरेको हो । 

प्रहरी कार्यालयका अनुसार २५ वर्षीय बर्ण बास बोहोरा र उनीसँग बस्ने २८ वर्षकी  भिमा  तामाङलाई पक्राउ गरिएको छ । बोहराको कोठा खानतलासी गर्दा लागूऔषध ब्राउन सुगर जस्तो देखिने ८ ग्राम ६७० मिलिग्राम सेतो हिरोइन जस्तो देखिने पदार्थ बरामद गरिएको प्रहरीले जनाएको छ । उनीहरुबाट प्रहरीले एक लाख ५६ हजार एक सय २० रुपियाँ पनि बरामद गरिएको डिएसपी रामप्रसाद घर्तीले जानकारी दिए  ।

---