हुम्लाको चंखेलीमा एमाले र समाजवादीबीच तालमेल

सुर्खेत - हुम्लाको चंखेली गाउँपालिकामा एमाले र नेकपा एसबीच आन्तरिक रुपमा चुनावी तालमेल भएको छ । केन्द्रमा एमाले र एकीकृत समाजवादीबीच विवाद भएतापनि चंखेली गाउँपालिकामा भने चुनावी तालमेल भएको छ । 

एमाले र एकीकृत समाजवादीबीच चुनावी तालमेलपछि अध्यक्षमा एमालेका विमला कुमारी शाही र एकीकृत समाजवादीबाट उपाध्यक्षमा प्रेमकला शाहीले उम्मेदवारी दिएकी छन् । 

---

एमालेले उपाध्यक्ष र एकीकृत समाजवादीले अध्यक्षमा उम्मेदवार उठाएका छैनन् । यस्तै चंखेलीमा माओवादीबाट गोविन्दबहादुर शाहीले अध्यक्ष र काँग्रेसबाट मैना बुढाले उपाध्यक्षको उम्मेदवारी दिएका छन् । यस विषयमा दलका नेताहरुले प्रतिक्रिया दिन भने मानेनन् ।