नेकपा एस सुदूरपश्चिमकी प्रमुख सचेतक विक माओवादीमा प्रवेश

कैलाली- नेकपा (एकीकृत समाजवादी) सुदूरपश्चिमकी नेतृ तथा प्रमुख सचेतक दुर्गा विक नेकपा (माओवादी केन्द्र)मा प्रवेश गरेकी छन् । शुक्रबार विक समाजवादी छाडेर माओवादीमा प्रवेश गरेकी हुन् ।

नेकपा एमालेबाट समानुपातिक सांसद रहेकी विकले एमाले विभाजन ताका एकीकृत समाजवादी रोजेकी थिइन् ।

---

तत्कालीन नेकपामा केपी शर्मा ओली र माधवकुमार नेपाल पक्षको विवाद हुँदा उनले नेपाल पक्ष रोज्दै आएकी थिइन् । त्यसै क्रममा प्रमुख सेचतक रहेका तारा लामा तामाङलाई हटाएर विकलाई प्रमुख सचेतक बनाइएको थियो ।