समाजवादी र जसपाको १३ निर्वाचन क्षेत्रलाई खाली राखेर सहमति

कैलाली- सत्ता गठबन्धनले समाजवादी पार्टी नेपाल र जसपाको भागमा परेका १३ निर्वाचन क्षेत्रलाई खाली राखेर बाँकीमा सहमति गरेको छ ।

सहमति अनुसार आगामी मङ्सिर ४ गते हुने प्रदेश तथा प्रतिनिध सभाको निर्वाचनका लागि सुदूरपश्चिम प्रदेशमा प्रतिनिधि सभाको उम्मेदवारका लागि गठबन्धनको भागबन्डा टुङ्गिएको हो । बालुवाटारमा बसेको शुक्रबारको बैठकले भागबन्डा टुङ्ग्याएको हो ।

---

जसमा बाजुरामा नेपाली काँग्रेस, अछाम १ मा नेकपा एकीकृत समाजवादी, २ मा  नेपाली काँग्रेसले पाउने भएको छ । यस्तै बझाङ नेकपा एकीकृत समाजवादीले पाउँदा डोटीमा पनि नेकपा एकीकृत समाजवादीले नै पाउने भएको छ ।

यता कैलालीको क्षेत्र नम्बर १, ४ र ५ मा नेपाली काँग्रेस, २ र ३  मा नेपाल कम्युनिस्ट पार्टी माओवादी केन्द्रले पाउने भएको छ । दार्चुलामा नेपाली काँग्रेस, बैतडीमा नेपाल कम्युनिस्ट पार्टी माओवादी केन्द्रले पाउँदा डडेल्धुरामा नेपाली काँग्रेसले पाउने भएको छ ।

यस्तै कञ्चनपुरको क्षेत्र नम्बर १ मा पनि नेपाल कम्युनिस्ट पार्टी माओवादी केन्द्रले पाउने छ भने क्षेत्र नम्बर २ र ३ मा नेपाली काँग्रेसले पाउने भएको छ ।