मार्तडी जोड्ने सडक आजदेखि सञ्‍चालनमा

कैलाली- करिब साढे तीन महिनादेखि अवरुद्ध अछामको साफेबगरदेखि बाजुराको सदरमुकाम मार्तडी जोड्ने सडक आजदेखि सञ्‍चालनमा आएको छ ।

सडक डिभिजन साफेबगर अछामका डिभिजन प्रमुख विबशबाबु सदादेवले बाजुराको बुडिगंगा नगरपालिका अन्तर्गत पर्ने सडक खण्डको मर्मत कार्य सकिएकाले साना सवारीसाधन सञ्‍चालनमा आएको बताए । उनले गत असारको मध्यतिर आएको पानीका कारण सडक भासिँदा आवातजावत अवरुद्ध भएको बताए । 

---

करिब ८ सय मिटर सडकको मर्मत कार्य पश्चात् साना सवारीसाधन सञ्‍चालनमा आएको बताउँदै डिभिजन प्रमुख सदादेवले २/३ दिनभित्रै सडक पुर्ण रुपमा सञ्‍चालनमा आउने बताए ।

सडक अवरुद्ध हुँदा बाजुरामा खाद्यान्न, औषधिलगायतका अत्यावश्यक वस्तुको अभाव भएको थियो ।