दार्चुलामा एमाले र गठबन्धनका कार्यकर्ताबीच झडप हुँदा चारजना घाइते

दार्चुला- दार्चुलामा नेकपा एमाले र गठबन्धनका कार्यकर्ताबीच झडप भएको छ । गठबन्धनका कार्यकर्ताले नेकपा एमालेका प्रदेश सभा क्षेत्र नम्बर २ का उम्मेदवार राम दत्त जोशीको टोलीलाई आफ्नो क्षेत्रमा प्रचार गर्न अवरोध गरेपछि झडप भएको हाे ।

जिल्लाको अपिहिमाल गाउँपालिका–५ ओखलमा चुनावी प्रचारप्रसारका क्रममा भएकाे झडपमा परी चारजना घाइते भएकाे जिल्ला प्रहरी कार्यालय दार्चुलाले जनाएको छ ।

---

झडपमा परी गठबन्धनका कार्यकर्ता अपिहिमाल गाउँपालिका–६ का जहेन्द्र धामी, सोही ठाउँका जगत धामी र एमालेका कार्यकर्ता मार्मा गाउँपालिका–३ का बिरेन्द्र विष्ट र शैल्यशिखर नगरपालिका–९ का सुरेश बादी घाइते भएका छन् ।

घाइतेहरूको लटिनाथ अस्पतालमा उपचार भइरहेको छ ।