जन्ती बोकेको जीप दुर्घटना : एकको मृत्यु

धनगढी : कञ्चनपुरबाट जन्ती बोकेर गएको जीप बैतडीमा दुर्घटना हुँदा एक जनाको मृत्यु भएको छ । जिल्लाको पाटन नगरपालिका-६ ग्वाल्लेक घट्टेघाट खोलामा सुदूरपश्चिम प्रदेश ०२००१ ज ३७७ नम्बरको जीप दुर्घटना हुँदा एक जनाको मृत्यु र ११ जना घाइते भएका हुन् ।

बैतडीको दशरथचन्द नगरपालिका वडा नम्बर ३ का ५५ वर्षीय देवदत्त जोशीको मृत्यु भएको प्रहरीले जनाएको छ । १२ जना सवार रहेको उक्त जीपमा दुलाह दुलहीसहित  ११ जना घाइते छ्न् ।
 

---