सीसीटीभीको डिभाइस चोरेर सहकारीको पाँच लाख चोरी

कैलाली- गोदावरी नगरपालिका- २ मा रहेको साना किसान कृषि सहकारीको लकर फोडेर ५ लाख बढीको चोरी भएको छ । झ्यालको ग्रिल निकालेर भित्र पसेर लकर फोडेर ५ लाख ६८ हजार ६ सय ३ रुपैयाँ चोरेर लगेको हो ।

सहकारीका मुख्य प्रबन्धक गोरख खत्रीले बिहीबार बिहान सहकारीमा सफाइ कर्मचारीले चोरी भएको थाहा पाएको बताए । उनले सहकारीमा सीसीटीभी क्यामेरा जडान गरेको भएपनि चोरले क्यामेराको डिभाइस नै चोरेर लगेको बताए ।

---

इलाका प्रहरी कार्यालय मालाखेतीबाट प्रहरी सहकारीमा पुगेर अनुसन्धान गरिरहेको बताउँदै प्रहरी निरिक्षक बासुदेव भट्टले चोरले सहकारीको सीसीटीभी क्यामेराको डिभाइसनै चोरेर लगेकाले सडकमा जडान भएका अन्य क्यामेराको फुटेज चेकजाँच गरिरहेको बताए ।