शपथका लागि सुूदूरपश्चिममा सचिवालयले थाल्याे तयारी

कैलाली । भोलि हुने सुूदूरपश्चिम प्रदेश सभाको शपथका लागि प्रदेश सभा सचिवालयले तयारी गरिरहेको छ । शपथका लागि कुर्सी मिलाउने, रंगरोगन गर्ने, सरसफाइ लगायतका कामहरु अन्तिम चरणमा पुगेको सचिवालयले जानकारी दिएको छ ।

सचिवालयका सूचना अधिकारी युवराज जैशीले भोलि दिउँसो १ बजेर ३५ मिनेटमा शपथ ग्रहणको समय दिइएको बताए । उनले सभासदहरुलाई ११:३० बजे नै उपस्थित हुन जानकारी गराएको बताए । प्रदेश प्रमुख देवराज जोशीले जेष्ठ सदस्य मानबहादुर रावललाई भोलि नै दिउँसो १ बजेर ५ मिनेटमा शपथ ग्रहण गराउने र रावलले त्यसपछि १:३५ मा अन्य सदस्यलाई शपथ ग्रहण गराउने प्रदेश सभा सचिवालयले जनाएकाे छ ।

---