धनगढीमा तीन वटा गौशाला निर्माण हुँदै

कैलाली- धनगढी उपमहानगरपालिका १६ मा गौशाला निर्माण हुने भएको छ । धनगढी उपमहानगरपालिकाको आर्थिक सहयोगमा र स्कोन नेपालले व्यवस्थापन हेर्ने गरी गौशाला निर्माण गर्न लागेको हो । गौशालाको आइतबार एक कार्यक्रमका बीच शिलान्यास गरिएको छ ।  

रामनगरमा निर्माण हुन लागेको गौशालाको शिलान्यास धनगढीको उत्तर रामेश्वर पीठ लक्ष्मीनारयण मन्दिरका श्री १००८ स्वामी देवराज आचार्यले गरेका हुन् ।

---

धनगढी उपमहानगरपालिकाबाट ५० लाख र उपभोक्ता समितिबाट १० लाख ८९ हजार ५ सय ९६ रुपैयाँ १६ पैसा रहेको छ भने कूल रकम ६० लाख ८९ हजार ५ सय ९६ रुपैयाँ १६ पैसामा उक्त गौशाला बन्न लागेको उपमहानगरपालिकाका मेयर गोपाल हमालले बताए । 

धनगढी उपमहानगरपालिका भित्र हाल तीनवटा गौशाला निर्माणका लागि सम्झौता भइसकेको बताउँदै नगर प्रमुख हमालले फूलबारी क्षेत्रमा गौशाला निर्माण गर्न  समिति गठन समेत भइसकेको जानकारी दिए । 

त्यस्तै उपमहानगरपालिकाको १३, ११ र ६ नम्बर वडाका लागि वडा नम्बर ११ मा गौशाला बनाउने प्रक्रिया थालिएको छ ।