२८ औं पटक मुखिया चुनिए सरोज चौधरी

कैलाली- धनगढीका सरोज चौधरी लगातार २८ औं पटक भलमन्सा (मुखिया) चुनिएका छन्। कैलालीको धनगढी उपमहानगरपालिका वडा नम्बर ८ धनगढी गाउँका सरोज यो वर्ष पनि भल्मन्सा चयन भएका हुन्। 

बिहीबार भुरा खेलमा माघीदेवानीमार्फत उनलाई फेरि भलमन्सामा चयन गरिएको हो। उनको भल्मन्सा बनेको यो २८ औं पटक हो।

---

गाउँको विकास निर्माण, आपसी मेलमिलाप तथा झै–झगडा मिलाउने र सरोकारवाला निकायसँग समन्वय गरेको भन्दै फेरि भल्मन्साको जिम्मेवारी दिएको हो ।

सरोज चौधरी २०५२ सालदेखि लगातार बिनापारिश्रमिक भल्मन्सा बन्दै आएका छन्। धनगढी गाउँको पुरानो थारू बस्तीमा अहिले ४१ घरधुरी रहेका छन्।