सुदूरपश्चिममा दुई तिहाई बहुमतको समर्थनमा सरकार बन्नसक्ने

कैलाली । सुदूरपश्चिममा प्रदेशमा दुई तिहाई बहुमतको समर्थनमा सरकार बन्ने देखिएको छ । मुख्यमन्त्री कमलबहादुर शाहले दुई तिहाई मतका साथ विश्वासको मत प्राप्त गर्दैछन् ।

आइतबार (आज) विश्वासको मत लिइरहेका मुख्यमन्त्री शाहलाई नेकपा माओबादी केन्द्र, नागरिक उन्मुक्ति पार्टी र नेकपा एकीकृत समाजबादीले विश्वासको मत दिने निर्णय गरेका छन् । त्यस्तै स्वतन्त्र १ सांसद डाक्टर तारा जोशीले पनि प्रतिपक्षमा रही विश्वासको मत दिने बताए ।

---

आइतबार दिउँसो १ बजेदेखि चलिरहेको प्रदेश सभा बैठकमा पनि तीनवटै दलका नेताहरुले दलहरुका नेताहरुले मुख्यमन्त्री शाहलाई विश्वासको मत दिने भन्दै विजयको शुभकामना पनि दिएका छन् । ५३ सदस्यीय प्रदेशसभामा नेपाली कांग्रेसका १९, माओवादी केन्द्रका सभामुखबाहेक १०, नागरिक उन्मुक्तिका ७, नेकपा एसका ४ र स्वतन्त्र १ जना छन् । यसरी मुख्यमन्त्रीको पक्षमा ४१ मत प्राप्त हुने देखिएको छ ।

मुख्यमन्त्री शाहलाई मत नदिने निर्णय गरेका नेकपा एमाले र राप्रपा प्रतिपक्षमा रहनेछन् । प्रदेश सभामा एमालेका उपसभामुखसहित १० सांसद छन् ।