कैलाली र कञ्चनपुरमा भोलि सार्वजनिक विदा

कैलाली- रानाथारु समुदायको मुख्य पर्व खखडेहराको अवसरमा फागुन ३० गते सुदूरपश्चिम प्रदेश सरकारले सार्वजनिक विदा दिने निर्णय गरेको छ । रानाथारुको बसोबास रहेको प्रदेशका कैलाली र कञ्चनपुरमा सुदूरपश्चिम प्रदेश सरकारले विदा दिने निर्णय गरेको हो ।

प्रदेशको आन्तरिक मामिला तथा कानून मन्त्रालयले सूचना जारी गर्दै प्रदेशका दुई जिल्ला कैलाली र कञ्‍चनपुरमा सार्वजनिक विदा दिएको जानकारी गराएको छ ।

---

रानाथारू समुदायको सबैभन्दा ठूलो पर्व होरीको अन्तिम दिनका रूपमा खखडेहरा मनाइने गरिन्छ । एक महिना लामो समयसम्म मनाइने होरी पर्वको समापनका दिन रानाथारु समुदायले खखडेहरा मनाउने गर्दछन् ।