पूर्व राजा ज्ञानेन्द्र शाह धनगढी आउने कार्यक्रम रद्द

कैलाली। पूर्व राजा ज्ञानेन्द्र शाह धनगढी आउने कार्यक्रम रद्द गरिएको छ । राजाको निर्धारित सुदूरपश्चिम भ्रमण रद्द गरिएको को नागरिक अभिनन्दन मूल समारोह समितिका संचार संयोजक ललित जोशीले जानकारी दिए।

नागरिक उन्मुक्ति पार्टीले भोलिदेखि गर्न लागेको विरोध कार्यक्रमका कारण राजाको कार्यक्रम विवादित हुनसक्ने भन्दै भ्रमण रद्द गरिएको संचार संयोजक जोशीले बताए ।  

---

यसअघि जेठ ६ गते धनगढी रङ्गशालामा पूर्वराजाको नागरिक अभिनन्दन कार्यक्रम हुने तय भएको थियो। तर, नागरिक उन्मुक्तिको देशव्यापी आन्दोलनका कारण भ्रमण रद्द भएको हो। आयोजकले भने आन्दोलनका साथै सुरक्षाको कारण देखाएर शनिबारबाट शुरु हुने सुदूरपश्चिम भ्रमण स्थगित भएको जानकारी दिएको छ ।