आफ्नो घर आफैँ भत्काउने घर धनीलाई धनगढी उपमहानगरकाे सम्मान

कैलाली- धनगढी उपमहानगरपालिकाले ४२८ जना घर धनीलाई सम्मान गरेको छ । मुख्य सडक विस्तार गर्न आफ्नो घर आफैँ भत्काउने घर धनीलाई उपमहानगरले सम्मान गरेको हो ।

आफ्नो घर आफैँ भत्काएर उपमहानगरलाई सडक निर्माण गर्न सहयोग गर्ने घर धनीलाई सम्मान गर्न पाउँदा निकै उत्साहित भएको नगरप्रमुख गोपाल हमालले बताए । 

---

धनगढी उपमहानगरपालिका वडा न. १  कैलाली पुलदेखि धनगढी-८ हुलाकी सडक जिरो प्वाइन्टसम्मको संरचना हटाई सडक क्षेत्राधिकार भित्र रहेका संरचना स्व:स्फूर्त रूपमा हटाई सडक विस्तार अभियानमा सहयोग पुर्‍याएको भन्दै उपमहानगरपालिकाले सम्मान गरेको हो ।

सुदूरपश्चिम प्रदेश सरकार भौतिक पूर्वाधार मन्त्री प्रकाश देउवा र वन वतावरण तथा उद्योग पर्यटन मन्त्री रमेश धामीले घरधनीहरूलाई सम्मान गरेका हुन् ।

सम्मानित घरधनीहरूले उपमहानगरपालिकाको 'हाम्रो धनगढी हामी बनाउछौँ' भन्ने अभियानलाई आत्मसात गर्दै सहयोग गर्न पाउँदा खुसी लागेको बताए ।