गैंडाको आक्रमणबाट बेलमतीको मृत्यु

कैलाली- गैंडाको आक्रमणबाट कञ्‍चनपुरमा एक महिलाको मृत्यु भएको छ । शुक्लाफाँटा राष्ट्रिय निकुञ्जमा गैंडाको आक्रमणबाट एक महिलाको मृत्यु भएको हो । 

च्याउँ टिप्न निकुञ्ज पसेकी बेलडाँडी गाउँपालिका–२ गुन्डी टोलकी ४२ वर्षीय बेलमती बुढाको गैंडाको आक्रमणबाट शुक्रबार बिहान घटनास्थलमै मृत्यु भएको छ। उनीसंगै अन्य दुई जना महिला पनि च्याउँ टिप्न निकुञ्ज प्रवेश गरेका थिए। उनीहरुले भागेर ज्यान जोगाएका छन्। 

---

निकुञ्ज अन्तर्गत पर्ने बेलडाँडी गाउँपालिकाको कालिकिच ताल क्षेत्रमा महिलाको मृत्यु भएको प्रारम्भिक जानकारी आएको शुक्लाफाँटा राष्ट्रिय निकुञ्जका सहायक संरक्षण अधिकृत मनोज ऐरले बताए। यस विषयमा थप अनुसन्धान भैरहेको उनले बताए ।