कञ्चनपुरमा ट्रयाक्टरको ठक्करबाट श्रीमतीको मृत्यु, श्रीमान गम्भीर घाइते

धनगढी : कञ्चनपुरमा ट्रयाक्टरको ठक्करबाट एक जनाको मृत्यु भएको छ । जिल्लाको कृष्णपुर नगरपालिका वडा नम्बर ३ मा से १ त ९५३३ नम्बरको ट्रयाक्टरले से १ प ६७६५ को मोटर साइकललाई ठक्कर दिंदा एक जनाको मृत्यु भएको प्रहरीले जनाएको छ ।

मोटरसाइकलमा सवार ३५ वर्षीया रामेश्वरी जोशीको घटनास्थलमै मृत्यु भएको जिल्ला प्रहरी कार्यालयका प्रवक्ता प्रहरी नायव उपरीक्षक अमरबहादुर थापाले जानकारी दिए । मोटरसाइकल चालक मृतकका ५५ वर्षीय श्रीमान डम्मरदेव जोशी र उनकी १५ वर्षिया छोरी ममता जोशी घाइते भएका छन् ।

---

उनीहरुको सेती प्रादेशिक अस्पतालमा उपचार भइरहेको छ । ट्रयाक्टर र चालकलाई प्रहरीले नियन्त्रणमा लिएको छ ।