सुदूरपश्‍चिम एमालेको प्रमुख सचेतकमा दुर्गाकुमारी विक

धनगढी : नेकपा एमाले सुदूरपश्चिमको प्रमुख सचेतकको जिम्मेवारी दुर्गाकुमारी विकलाई दिइएको छ । आर्थिक मामिला तथा योजनामन्त्रीसमेत रहेका संसदीय दलका नेता प्रकाशबहादुर शाहले विकलाई प्रमुख सचेतकको जिम्मेवारी दिएका हुन् । 

यसअघि दुई साता अघि मात्रै एमाले संसदीय दलका नेता शाहले प्रमुख सचेतक तारा लामा तामाङलाई हटाएर लालबहादुर खड्कालाई नियुक्त गरेका थिए भने विकलाई सचेतकको जिम्मेवारी दिएका थिए । तर प्रमुख सचेतक खड्का सामाजिक विकासमन्त्रीमा नियुक्त भएपछि विकलाई प्रमुख सचेतकको जिम्मेवारी दिइएको एमाले संसदीय दलले जनाएको छ । 

---

यस्तै संसदीय दलले प्रदेशसभा सदस्य तारा लामा तामाङलाई प्रदेश सभाको कार्य व्यवस्था परामर्श समितिको सदस्यबाट समेत हटाएको छ । दुई साताअघि मात्रै प्रमुख सचेतकबाट हटाइएका उनलाई कार्य व्यवस्था परामर्श समितिको सदस्यबाट पनि हटाइएको हो ।