अछाममा महिलामाथि अभद्र व्यवहार गरेको आरोपमा वडाध्यक्ष पक्राउ

धनगढी : अछाममा एकजना वडा अध्यक्षलाई प्रहरीले नियन्त्रणमा लिएको छ। मदिरा सेवन गरी महिलामाथि अभद्र व्यवहार गरेको आरोपमा पञ्चदेवल विनायक नगरपालिका–८ का वडाध्यक्ष ताराप्रसाद खनाललाई प्रहरीले नियन्त्रणमा लिएको हो ।

बुधवार राति पञ्चदेवल विनायक नगरपालिकाको केन्द्र विनायक बजारस्थित एक होटेलमा खनालले मदिरा सेवन गरेर होटेलका सञ्चालकमाथि हातपात र महिलामाथि अभद्र व्यवहार गरेको बताइएको छ। सोही आरोपका आधारमा उनलाई बुधबार राति नै नियन्त्रणमा लिएको जिल्ला प्रहरी कार्यालय अछामका सूचना अधिकारी जनक बोहराले बताए । घटनाबारे आवश्यक अनुसन्धान भइरहेको उनले बताए । खनाल नेपाली काँग्रेसका तर्फबाट निर्वाचित भएका थिए।
 

---