लागूऔषध र एक लाख रुपैयाँसहित एक जना पक्राउ

कैलाली - लागूऔषध सेल कैलाली र जिल्ला प्रहरी कार्यालय कञ्चनपुरको संयुक्त टोलीले लागूऔषधसहित एक जनालाई पक्राउ गरेको छ । बिहिवार दिउँसो विशेष सुचनाको आधारमा भिमदत्त नगरपालिका १२ ऐरीका २० वर्षीय सुदर्शन भारतीलाई प्रहरीले पक्राउ गरेको हो ।

उनको साथबाट १४ दशमलव ६७ ग्राम लागु औषध खैरो हेरोईन, ८ दशमलव ५० ग्राम चरेस, मोबाइल ३ थान र नगद एक लाख ४१ हजार दुई सय पचास रुपैयाँ सहित नियन्त्रणमा लिइएको जिल्ला प्रहरी कार्यालय कञ्चनपुरका प्रहरी नायब उपरीक्षक सिद्धराज न्यौपानेले बताए ।
 

---