सुदूरपश्चिम प्रदेशका ७ पहाडी जिल्ला जोड्ने भीमदत्त राजमार्ग अवरुद्ध

कैलाली - लगातारको वर्षाका कारण पहिरो खसेपछि सुदूरपश्चिम प्रदेशका ७ पहाडी जिल्ला जोड्ने भीमदत्त राजमार्ग अवरुद्ध भएको छ। कैलालीको भासु भीरमा वर्षाका कारण हिजो राति गएको पहिरोले राजमार्ग अवरुद्ध भएको प्रदेश ट्राफिक प्रहरी कार्यालय अत्तरियाले जनाएको छ।

राजमार्ग अवरुद्ध बनेपछि दर्जनौ सवारीसाधन र सयौ यात्रु अलपत्र परेका छन । पानी निरन्तर परिरहेका कारण पहिरो पन्छाउने कामसमेत अबरुद्ध हुँदा यात्रुहरूको बिचल्ली भएको हो । हेबी इक्युप्मेन्ट डिभिजन गोदावरीबाट पहिरो खसेको स्थानमा पहिरो पन्छाउनका लागि डोजर परिचालन गरिएको बताउदै प्रदेश ट्राफिक कार्यालय सुदूरपश्चिमका प्रमुख प्रहरी उपरीक्षक बामदेव गौतमले वर्षा नरोकिएका कारण पहिरो पन्छाउन समस्या भएको बताए ।

---