धनगढीमा दुई दिनमा ९ हजार बढीले लगाए कोभिड खोप

कैलाली- धनगढी उपमहानगरपालिकामा दुई दिनमा ९ हजार बढीले कोभिड-१९ को भेरोसेल खोपको दोश्रो मात्रा लगाइएका छन् ।

भेरोसेलको दोस्रो मात्रा लगाउने अभियान अन्तर्गत कार्तिक १० र ११ गते ९ हजार ४ सय १९ जनाले दोस्रो मात्राको खोप लगाएको उपमहानगरपालिकाले जनाएको छ ।

---

१८ वर्षमाथिका पहिलो खोप लगाएका सम्पुर्णलाई खोप लगाइएको हो । खोप अभियानअन्तर्गत आज शुक्रबार पनि फुलबारी स्वास्थ्य चौकीमा भेरोसेलको दोस्रो मात्रा लगाउने कार्यक्रम जारी रहने जनाएको छ ।

कोभिड-१९ विरुद्धको खोप सम्पुर्ण नगरबासीलाई लगाइने बताउँदै उपमहानगरपालिकाका मेयर नृपबहादुर वडले यो आर्थिक वर्षसम्ममा पुर्ण खोप लगाइसक्ने बताए । उनले खोप लाउन छुटेकाहरूलाई अनलाइन फर्म भर्न अनुरोध गर्दै खोप लाउन आउँदा दर्ता नम्बर र परिचय खुल्ने परिचयपत्र लिएर आउन आग्रह गरे ।