सात किलो चरेससहित पक्राउ

कैलाली : कैलालीमा लागुऔषध चरेससहित एक होटेलका सञ्‍चालकलाई प्रहरीले मंगलबार पक्राउ गरेको छ । गोदावरी नगरपालिका-२ रिङरोडस्थित न्यू जानकी होटेल एन्ड लजको १०२ नं कोठाबाट सात किलो चरेससहित सोही होटेलका सञ्‍चालक बलबहादुर धामीलाई पक्राउ गरेको जिल्ला प्रहरी कार्यालय कैलालीका प्रहरी नायब उपरीक्षक प्रतीक विष्टले जानकारी दिए । 

सुदूरपश्‍चिम प्रदेश प्रहरी कार्यालय दिपायल र इलाका प्रहरी कार्यालय मालाखेतीबाट खटिएको टोलीले धामीलाई पक्राउ गरेको हो । धामीलाई आजै लागुऔषध शीर्षक मुद्दा दर्ता गरी कैलाली जिल्ला अदालतबाट म्याद थप गरी अनुसन्धान भइरहेको प्रहरीले जनाएको छ ।(रासस)

---